Mestu hrakfarir í marga áratugi!

Hrakfarir Englandsmeistara Liverpool eru þær mestu í marga áratugi. Þetta er til dæmis versta taphrina Liverpool frá því liðið féll í aðra deild á keppnistímabilinu 1953/54.

Frá því Liverpool tapaði fyrsta leik sínum á leiktíðinni 27. september 2:1 fyrir Crystal Palace hefur liðið, með þeim leik, spilað 12 leiki í öllum keppnum. Liverpool hefur tapað níu af þessum 12 leikjum. Liverpool tapaði síðast níu leikjum af 12 frá nóvember og fram í desember á keppnistímabilinu 1953/54.  Liðið féll í aðra deild á þeirri leiktíð.

Liverpool tapaði síðast tveimur heimaleikjum í röð með þriggja marka mun árið 1965. 

Liverpool hefur tapað þremur síðustu leikjum með þriggja marka mun. Það gerðist síðast í september 1992.

Liverpool er með 18 stig eftir 12 deildarleiki. Á síðasta keppnistímabili var Liverpool með 31 stig eftir 12 jafn marga leiki.

Þetta er versta byrjun Liverpool frá því á leiktíðinni 2014/15.

Lengi getur vont versnað!