Af spjöldum sögunnar!

Í dag eru 20 ár liðin frá því eitt frægasta mark í sögu Livrerpool var skorað. Liverpool lék þá gegn gríska liðinu Olympiacos í síðustu umferð riðlakeppni Meistaradeildarinnar. Liverpool þurfti tveggja marka sigur!

Brasilíumaðurinn Rivaldo kom gríska liðinu yfir með marki beint úr aukaspyrnu á 26. mínútu. Markið skildi liðin að í hálfleik og var útlitið alls ekki gott.

Florent Sinama-Pongolle kom inn sem varamaður í hálfleik og hann jafnaði leikinn eftir aðeins tvær mínútur. Liverpool sótti að Kop stúkunni í síðari hálfleik og sóknin var linnulaus. Þegar tíu mínútur voru eftir skoraði Neil Mellor en hann var aðeins búinn að vera inni á vellinum í tvær mínútur eftir að hann kom inn sem varamaður. 

Betur mátti og allt varð fullkomnað á 86. mínútu. Jamie Carragher sendi fyrir frá vinstri á Neil sem skallaði boltann út á Steven Gerrard. Fyrirliðinn hitti boltann fullkomlega og hann söng í netinu við trylltan fögnuð innan vallar sem utan! Liverpool hafði með markinu náð tveggja marka forystu og þar með var settu marki náð til að liðið kæmist í útsláttarkeppnina.

Útsláttarkeppnin leiddi Liverpool svo alla leið til Miklagarðs í Tyrklandi þar sem Liverpool vann Evrópubikarinn í fimmta sinn. Markið sem Stveven fékk eftir Evrópubikarsigurinn á sig goðsagnakenndan blæ þar sem það kom Liverpool upp úr riðlinum þegar allt stefndi í óefni.

Steven Gerrard sagði á blaðamannafundi daginn fyrir leik að hann ætlaði sér ekki að vakna eftir leikinn við Olympiacos og vera í Evrópudeildinni. Hann ætlaði sér að vakna í Meistaradeildinni. Svo varð!

Hér að neðan er hægt að lesa nokkrar greinar um leikinn úr safni Liverpool.is.

Liverpool komst áfram.

Steven ánægður með varamennina. 

Uppskrift að Evrópukvöldi.

Í hnotskurn.

Leikskýrsla lfchistory.net.