Leikjatilfærslur

Búið er að tímasetja leiki Liverpool í fyrsta mánuði ársins. Hér er listi leikjanna með nýjum tímasetningum. Gott að vita þetta ef verið að velta ferðalögum fyrir sér.

Fyrsti leikur ársins var auðvitað á sjálfan nýársdaginn þegar Leeds United kom í heimsókn á Anfield Road. 

Fyrsti útileikur nýs árs verður á móti Fulham í London á morgun klukkan þrjú. 

Liverpool mætir sjálfu toppliði Arsenal í höfuðborginni fimmtudagskvöldið 8. janúar. Flautað verður til leiks klukkan átta. 

Að kvöldi mánudagsins 12. janúar kemur Barnsley til Anfield í 3. umferð FA bikarsins. Leikurinn hefst þegar klukkuna vantar 15 mínútur í átta. 

Laugardaginn 17. janúar fær Liverpool Burnley í heimsókn. Leikurinn hefst á hefðbundnum leiktíma eða klukkan þrjú eftir hádegi.

Miðvikudagskvöldið 21. janúar tekst Liverpool á við franska liðið Marseille suður við Miðjarðarhafið. Þetta er síðasti útileikurinn í deildarkeppni Meistaradeildarinnar. Rimman hefst klukkan átta. 

Liverpool mætir Bournemouth á útivelli laugardaginn 24. janúar. Leikurinn hefst klukkan hálf sex. 

Meistaradeildarkeppninni lýkur á Anfield klukkan átta að kvöldi miðvikudagsins 28. janúar. Qarabag frá Aserbaísjan kemur þá í heimsókn til Liverpool. 

Síðasti leikur Liverpool í janúar fer fram á síðasta kvöldi mánaðarins. Liverpool og Newcastle United ganga þá á hólm á Anfield Road. 

Allar tímasetningar eru að íslenskum og breskum tíma. Sami tími er á þessum eyjum yfir háveturinn.