Uppskrift að Evrópukvöldi!

Þetta kvöld fer í flokk með mögnuðustu Evrópukvöldum í sögu Liverpool og er þó af mörgum að taka! En hvað er Evrópukvöld á Anfield Road? Þetta er uppskrift kvöldsins!

- Það var kvöld í Liverpoolborg!

- Anfield Road var þéttskipaður hinum dyggu stuðningsmönnum Rauða hersins!

- Liverpool varð að vinna leikinn!

- Liverpool lenti undir og þurfti að skora þrívegis til að komast áfram!

- Liverpool sótti að The Kop í síðari hálfleik!

- Stuðningsmenn Liverpool stóðu þétt að baki sínum mönnum og hvöttu þá áfram með ráðum og dáð.

- Allir leikmenn Liverpool lögðu sig alla fram! Það gerði Tólfti maðurinn líka!

- Liverpool jafnaði í upphafi síðari hálfleiks!

- Linnulaus sókn Liverpool braut að lokum mótherjana á bak aftur!

- Liverpool skoraði þau tvö mörk sem upp á vantaði á síðustu tíu mínútum leiksins! Kannski sogaði The Kop boltann bara í markið?! Það hefur oft gerst!

- Áhorfendur og leikmenn Liverpool gengu af göflunum af fögnuði!

- Takmarkið náðist!

- Stuðningsmenn Liverpool sungu þjóðsönginn You´ll Never Walk Alone í leikslok með treflana sína á lofti!

Enn einu sinni vorum við stuðningsmenn Liverpool vitni að eistöku Evrópukvöldi á Anfield Road. Svona töfrum gædd stemmning skapast hvergi nema í hafnarborginni Liverpool á vesturströnd Bretlands. Þar gerist þetta á meira en aldargömlum knattspyrnuleikvangi. Hann heitir heitir Anfield Road!