Stóð sannarlega undir væntingum!

Federico Chiesa er búinn að taka sín fyrstu skref hjá Liverpool. Þegar hann kom til Liverpool sagðist hann ekki geta beðið eftir að spila á Anfield Road. Svo dæmi sé tekið bað hann konuna sína að spila You’ll Never Walk Alone þegar þau voru að fljúga yfir Liverpool borg í fyrsta sinn og sáu Anfield. Hann kom inn sem varamaður á móti Bournemouth um síðustu helgi eftir að hafa leikið sinn fyrsta leik gegn AC Milan.

Eftir leikinn gegn Bournemouth var Ítalinn spurður hvort að spila á Anfield hafi staðið undir væntingum hans. ,,Já, já, já! Sannarlega stóð það allt undir væntingum. Að heyra You’ll Never Walk Alone í fyrsta sinn sem ég sat á bekknum var alveg stórkostleg upplifun."

Federico Chiesa er búinn að spila þrjá leiki með Liverpool. Nú þegar er hann kominn með eina stoðsendingu. Vonandi gengur honum vel að fóta sig í ensku knattspyrnunni.