Landsleikjafréttir

Leikmenn Liverpool hafa verið á ferð og flugi síðustu daga við að spila landsleiki. Þrír hafa skorað mörk það sem af er landsleikjahrinurnar.  

Virgil van Dijk skoraði sigurmark Hollendinga sem unnu granna sína Belgíu 1:0 í kvöld. Fyrirliðinn skoraði með fallegum skalla eftir horn. Dirk hafði líka spilað á móti Póllandi í leik sem Holland vann 2:0. Hollendingar eru komnir áfram í Þjóðadeildinni. 

Í gærkvöldi skoraði Diogo Jota fyrir Portúgal sem vann Tékkland 4:0. Gott að Diogo sé kominn á blað á leiktíðinni.


Luiz Díaz spilaði í 4:1 sigri Kólumbíu á móti Gvatemala.  

Mohamed Salah skoraði tvö mörk þegar Egyptaland vann Níger 3:0 á föstudaginn. Annað markið var úr víti. Landsliðsþjálfari Eygta gaf Mohamed og nokkrum öðrum frí í seinni landsleiknum sem er á dagskrá. Það er auðvitað hið besta mál. 

Alisson Becker stóð í marki Brasilíu sem vann Gana 3:0. Fabinho Tavarez kom inn af bekknum en Roberto Firmino var á honum allan leikinn.