Hinir ósigrandi!

Celtic varð í kvöld skoskur meistari. Liðið tók þá við meistaratign af hinu ósigrandi liði Rangers sem Steven Gerrard stýrði. Árangur Rangers var með ólíklindum magnaður. 

Í efstu deild í Skotlandi eru leiknir 38 leikir. Rangers vann 32, gerði sex jafntefli og tapaði ekki einum einasta leik. Þó svo margir telji skosku deildina ekki upp á marga fiska er það alltaf mikið afrek að fara í gegnum heilt keppnistímabil án þess að tapa leik. 

Skotlandsmeistaratitill Rangers var sá 55. í sögu félagsins. Celtic hafði unnið næstu níu ár á undan þannig að titill Rangers var einstaklega gleðilegur fyrir stuðningsmenn félagsins. Celtic hefur nú unnið 52 landstitla. 

Steven Gerrard var kjörinn Framkvæmdastjóri ársins 2021 í Skotlandi af öllum þeim aðilum sem kjósa jafnan um besta framkvæmdastjórann. Fjögur mismunandi samtök standa fyrir slíkum kosningum í Skotlandi. 

Rangers er nú komið í úrslit Evrópudeildarinnar þar sem liðið mætir Eintracht Frankfurt. Hollendingurinn Giovanni van Bronckhorst tók við af Steven Gerrard sem framkvæmdastjóri Rangers. Steven stýrði Rangers auðvitað framan af leiktíð og á sinn þátt í að koma Rangers í úrslitaleikinn. Það verður spennandi að sjá hvort Rangers nær Evróputitli.