Til hamingju!

Ungliðinn Jayden Danns á merkisafmæli í dag. Hann er tvítugur. Jayden fæddist í Liverpool 16. janúar 2006. Hann var aðeins átta ára þegar þegar hann hóf að æfa með Liverpool. 

Meiðsli hafa sett strik í reikning Jayden síðustu mánuði. Sem dæmi spilaði hann aldrei, vegna meiðsla, með Sunderland eftir að hann var lánaður til liðsins í febrúar í fyrra. Hann hefur ekkert spilað frá því í september en þá tognaði hann illa aftan í læri. 

Sem stendur er ungliðinn meiddur og verður eitthvað frá. Hann er búinn að spila einn leik á leiktíðinni. Alls hefur hann leikið tíu leiki með Liverpool og skorað þrjú mörk. Jayden varð Deildarbikarmeistari með Liverpool 2024.

Neil pabbi hans var atvinnuknattspyrnumaður. Hann spilaði með mörgum liðum á ferli sínum. Neil var landsliðsmaður Gvæjana. Jayden hefur leikið með yngri landsliðum Englands nú síðast undir 20 ára liðinu.

Liverpool klúbburinn á Íslandi óskar Jayden Danns til hamingju með merkisafmælið.