Jari Litmanen á leið til Englands á ný?

Jari Litmanen, fyrrum leikmaður Liverpool, virðist vera aftur á leið til Englands en Fulham hefur sýnt honum áhuga og hafa boðið honum á æfingar með sér og hugsanlega í kjölfarið bjóða honum samning.

Litmanen sem er 36 ára gamall var í röðum Liverpool frá 2001 til 2002, eða eitt og hálft tímabil. Hann lék 43 leiki fyrir liðið og skoraði níu mörk.

"Jari hefur verið að leggja hart af sér undanfarið og hann er klár í slaginn." sagði Roy Hodgson knattspyrnustjóri Fulham.

Hann hefur verið án félags eftir að hann var leystur undan samningi hjá sænska liðinu Malmo fyrir núverandi tímabil. Hann hefur átt glæstan feril og leikið með Malmo, Liverpool, Ajax og Barcelona.