Peter Crouch: Okkur líkar pressan

Liverpool mun leika gegn Everton um helgina. Liverpool menn á miklu skriði en þeir eru núna búnir að vinna fimm leiki í röð. Rafa Benítez ætlar að halda áfram að bæta við sigrum og veit að liðið má ekki misstíga sig og missa stig ef þeir ætla að ná efstu liðunum.

Það munar enn fimm stigum á Liverpool og Chelsea sem situr í öðru sæti deildarinnar. Peter Crouch er mjög ákveðinn í að bæta fyrir tapið gegn Everton fyrr í vetur og ætlar sér að sækja öll stigin í leiknum.

"Bilið er að minnka", sagði Crouch. "Við vonumst eftir að liðin í efstu tveimur fari að misstíga sig en við höldum áfram að einbeita okkur að okkar verkefnum og minnka bilið eins mikið og við getum."

"Það mun taka svolítinn tíma fyrir þau að tapa þremur leikjum en við höldum áfram og sjáum svo hvað setur."

"Við erum á skriði og við verðum að halda því áfram. Það er mikil pressa en okkur líkar pressan við að vera á toppnum."

Hann bætti við: "Það var erfitt eftir fyrri leikinn þegar við töpuðum og leikmenn voru særðir inní búningsklefanum og stuðningsmenn okkar einnig, vonandi að við náum okkar skerf útúr leiknum."

"Everton munu án efa láta okkur vita að þeir sigruðu, en við vonumst eftir að geta unnið þá stærra."

Peter Crouch sem varð 26 ára síðastliðinn þriðjudag skoraði stórkostlegt mark gegn West Ham á afmælisdegi sínum. Hann hefur hann verið duglegur við markaskorun í vetur og er markahæsti maður liðsins með 13 mörk.