| Sf. Gutt

Skemmtileg tilviljun!

Í gærkvöldi jafnaði Andrew Robertson landsleikjamet Skotlands. Svo skemmtilega vildi til að gamla metið var sett fjórum áratugum og einum degi áður. 

Andrew Robertson spilaði í gærkvöldi, 13. nóvember, sinn 102. landsleik fyrir hönd Skotlands. Skotar unnu 2:1 sigur á Norður Makedóníu á Hampden Park í Glasgow. Andrew var líkt og síðustu ár fyrirliði Skotlands í leiknum og skilaði sínu vel. 

Með því að spila 102. landsleik sinn jafnaði Andrew landsleikjamet Skotlands. Kenny Dalglish hefur átt metið í fjóra áratugi. Svo skemmtilega vill til að Kenny lék sinn 102. landsleik fyrir fjórum áratugum og einum degi. Hann spilaði sinn 102. og síðasta landsleik á móti Lúxenborg að kvöldi 12. nóvember 1986. Skotar unnu leikinn 3:0 á Hampden Park.

Verði Andrew leikfær slær hann landsleikjamet Kóngsins núna á mánudagskvöldið. Skotar mæta þá Sviss í St Gallen. Það verður söguleg stund í knattspyrnusögu Skotlands. 

 

TIL BAKA
Nýlegar fréttir
Fleiri fréttir
Fréttageymslan