Harry Kewell stefnir á leikinn við Barca

Harry Kewell, sem byrjaði að æfa á ný í dag, stefnir að því að vera orðinn heill heilsu þegar Liverpool sækir Barcelona heim í meistaradeildinni eftir tæpan mánuð. Kewell hefur ekkert leikið með Liverpool síðan í bikarúrslitaleiknum í maí vegna meiðsla sem hann varð fyrir á HM í sumar.

"Ég vonast til að vera orðinn heill eftir þrjár til fjórar vikur. Ég er undir eftirliti læknaliðsins hjá Liverpool og skurðlæknanna sem skáru mig upp svo að þegar þeir eru ánægðir með hlaupin hjá mér get ég byrjað að æfa með bolta. Þegar það fer að ganga vel er það undir stjóranum komið hvort hann telji mig vera tilbúinn."

Nú er að sjá hvort þetta takmark náist hjá Kewell.