Liverpool kaupir ungan franskan framherja!

Liverpool keypti á dögunum ungan franskan framherja. Hann kemur ekki strax til Liverpool því hann var lánaður til liðs í heimlandi sínu. 

Pilturinn heitir Djylian N'Guessan. Hann fæddist 3. ágúst 2008 í Saint-Nazaire í vesturhluta Frakklands. Faðir hans er franskur en móðir hans er frá Fínabeinsströndinni. 

Djylian fór að æfa með unglingaliði Saint-Etienne. Hann komst í aðallið félagsins og spilaði fyrst með því á leiktíðinni 2024/25. Djylian lék alls 13 leiki með Saint-Etienne og skoraði eitt mark. Hann hefur spilað með undir 16, undir 17 og undir 20 ára landsliðum Frakklands. Í sumar var hann valinn í úrvalslið Evrópumóts undir 17 ára. Hann skoraði fjögur mörk á mótinu. 

Liverpool tilkynnti um kaupin á Djylian í byrjun september. Talið er að Liverpool hafi borgað rúmlega fjórar milljónir sterlingspunda fyrir Frakkann.

Djylian N'Guessan kemur ekki strax til Liverpool. Hann var lánaður til Brest. Liðið leikur í efstu deild í Frakklandi.