Af spjöldum sögunnar!

Þann 11. september var öld liðin frá því Gordon Hodgson skoraði fyrstu þrennu sína fyrir Liverpool. Þennan dag árið 1926 kom Sheffield United í heimsókn á Anfield Road. Liverpool vann örugglega 5:1. Gordon Hodgson skoraði þrennu og Dick Forshaw tvö mörk.

Sem fyrr var þetta fyrsta þrenna Gordon Hodgson fyrir Liverpool. Hann átti seinna eftir að skora 16 þrennur  til viðbótar fyrir Liverpool. Hann skoraði því 17 þrennur á ferli sínum hjá Liverpool. Enginn annar hefur náð 17 þrennum og því á Gordon ennþá þrennumet félagsins. Ian Rush komst næst meti Gordon með 16 þrennur. 

Gordon var frá Suður Afríku. Hann kom til Liverpool í desember 1925. Gordon fór frá Liverpool í janúar 1936. Hann lék alls 377 leiki með Liverpool og skoraði 241 mark. Hann er fjórði markahæsti leikmaður í sögu Liverpool.