Robbie Fowler og Fabio Aurelio ekki með á morgun

Robbie Fowler og Fabio Aurelio munu ekki leika með Liverpool gegn Maccabi Haifa í forkeppni Meistaradeildarinnar á Anfield á morgun vegna meiðsla.

Robbie Fowler er meiddur á hné og Fabio Aurelio á kálfa en vonast er til að þeir verði ekki lengi frá. Þá verða Daniel Agger og Mark Gonzalez tiltækir fyrir leikinn en þeir misstu af leiknum gegn Mainz vegna meiðsla. Einnig er reiknað með að Steve Finnan geti leikið á morgun. Aðrir leikmenn Liverpool eru klárir í bátana.