Hamann stendur frammi fyrir erfiðu vali

Dietmar Hamann segir að Liverpool vilji selja sig en hann langar ekkert sérstaklega að fara. Hann mun gera upp hug sinn á næstu dögum. Hann ræddi framtíð sína við Chris Bascombe hjá Liverpool Echo.

"Hjarta mitt liggur hjá Liverpool en auðvitað verð ég að taka mark á því sem mér hefur verið sagt og gera það sem rétt er. Sú ákvörðun að selja mig kemur mér ekki í opna skjöldu en það er erfitt fyrir mig að ákveða hvort ég vilji fara eða ekki. Ég kem til Englands síðar í vikunni og þá mun ég ákveða hvort ég fari til Bolton. Það er eina félagið sem sýnt hefur á mér áhuga. Ég gæti ákveðið að vera um kyrrt eða fara. Ég verð að íhuga framtíð mína vandlega.".