Dregið í Meistaradeild

Fyrr í dag var dregið í Meistaradeildinni og því ljóst hverjir verða mótherjar okkar manna í deildarkeppninni í vetur.

Liðin sem Liverpool leikur við eru Atletico Madrid, FC Porto, Villarreal, RC Lens á Anfield og útileikir verða spilaðir við Internazionale, Club Brugge, Fenerbahce og LASK.

Nánari leikjadagskrá verður gefin út í síðasta lagi á sunnudag skv. fréttatilkynningu frá evrópska knattspyrnusambandinu, UEFA. Fyrirkomulag deildarinnar ætti að vera orðið vel kunnugt en sem fyrr fara efstu 8 liðin beint í 16-liða úrslitin og liðin sem enda í 9. til 24. sæti fara í umspil til að komast þangað.

Nú getum við farið að láta okkur hlakka til Evrópukvölda á Anfield á ný!