Ég reyni að gera mitt besta!

Rio Ngumoha kom sterkur inn í aðallið Liverpool á síðustu leiktíð og þykir mjög efnilegur.  Þess vegna er ljóst að búist verður við miklu af honum á komandi keppnistímabili. Rio segir hann þurfi að vera sveigjanlegur með leikstöður. Hann segist bæði geta spilað á hægri eða vinstri kanti.  

,,Það skiptir engu hvort ég spila á hægri eða vinstri kanti. Ég reyni að gera mig besta. Sérstaklega þegar ég er með boltann við að reyna að leika sem best á varnarmanninn sem á að stoppa mig. En það er klárt að ég þarf að geta verið sveigjanlegur með stöður á vellinum." 

Rio segir að undirbúningstímabilið núna sé mjög mikilvægt. Hann hafi fengið smjörþefin af aðalliðinu á síðasta keppnistímabili og langi til að halda áfram á sömu braut. 

,,Ekki spurning. Mig langar að halda áfram þaðan sem frá var horfið á síðasta keppnistímabili. Ég vil spila og vera eins oft í byrjunarliðinu og ég mögulega get. Leikirnir gefa mér gott tækifæri til að sýna framkvæmdastjóranum hvað í mér býr. Allir byrja jú með hreint blað."

Rio Ngumoha spilaði 30 leiki á sínu fyrsta keppnistímabili hjá Liverpool. Hann skoraði tvö mörk og átti eina stoðsendingu. Það er næsta víst að það verður þó nokkur pressa á honum á leiktíðinni sem í hönd fer. Það verður áhugavert að sjá hvernig Rio, sem verður 18 ára núna seinna í ágúst, gengur nú þegar væntingar verða gerðar til hans strax fra byrjun leiktíðar.