Leikjatilfærslur

Búið er að tímasetja leiki Liverpool í ágúst. Liverpool spilar tvo leiki í fyrsta keppnismánuðinum. Fyrst á útivelli og svo á Anfield Road. 

Liverpool byrjar leiktíðina með því að fara norður í land og taka hús á Newcastle United. Liðin leiða saman hesta sína sunnudaginn 23. ágúst. Leikurinn hefst klukkan hálf fjögur. 

Seinni leikurinn í ágúst verður við Nottingham Forest laugardaginn 29. ágúst. Flautað verður til leiks fyrir hádegið klukkan hálf tólf.

Svo merklega vill til að fyrstu tveir leikir Liverpool á leiktíðinni tengjast Kevin heitnum Keegan. Hann er auðvitað goðsögn hjá stuðningsmönnum Liverpool og Newcastle united og má segja að leikurinn á St. James' Park verði helgaður minningu Kevin. Leikurinn við Nottingham Forest tengist Kevin á þann hátt að Kevin lék sinn fyrsta leik fyrir Liverpool á móti Nottingham Forest. Liðin mættust á Anfield á ágúst 1971. Kevin skoraði fyrsta mark leiksins í 3:1 sigri Liverpool. Merkileg tilviljun að þessir tveir fyrstu leikir leiktíðarinnar skuli tengjast Kevin Keegan svona sterkt. 

Vakin er athygli á að tímasetningar eru að íslenskum tíma. Sumartími er á Bretlandsleyjum. Klukkan þar á sumartíma er klukkustund á undan íslenskum tíma.