Bandaríkjamarkaður er mjög mikilvægur!

Bandaríkjamarkaður er nú talinn eitt mikilvægasta markaðssvæði utan Bretlandseyja frá sjónarhóli markaðsdeildar Liverpool. Alls eru stuðningsmenn Liverpool í Bandaríkjunum nú rúmlega 26 milljónir!

Það er því ekki að undra að Liverpool hafi farið til Bandaríkjanna í æfingaferð núna í sumar. Liðið hefur reyndar oft farið þangað frá því FSG keypti Liverpool árið 2010. Það að sinna mikilvægustu markaðssvæðunum með því að sækja þau heim er mjög mikilvægt eins og Bandarikjaferðir Liverpool sýna.

Körfuboltagoðsögnin LeBron James hefur líka af og til vakið athygli á Liverpool með því að klæðast Liverpool fatnaði. Hann á lítinn hlut í félaginu. Það hefur sitt að segja þegar LeBron fer í Liverpool bol!

Leikarinn Samul L. Jackson hefur líka af og til sést í Liverpool fatnaði. Hann er auðvitað mjög þekkt andlit í Bandaríkjunum. Það vekur auðvitað athygli þegar svona þekktir einstaklingar fara í Liverpool treyju.