Mikið verk fyrir höndum!

Steven Gerrard, fyrrum fyrirliði Liverpool, segir að Andoni Iraola eigi mikið verk fyrir höndum hjá Liverpool við að koma liðinu í betra stand en það var í á síðustu leiktíð. Steven finnst að hann sé spennandi kostur í starfið. 

,,Mér líst alveg vel á hann og allt þetta. En ég veit alveg að mikil áskorun bíður hans. Mér fannst Liverpool vera óravegu frá því sem ásættanlegt var á síðasta keppnistímabili. Við verðum að vera hreinskilin og horfast í augu við að liðið var víðsfjarri settu marki."

,,Það þarf að taka liðshópinn í gegn og koma betra jafnvægi á hann. Við þurfum að fá leikmenn, sem hafa verið meiddir, út á völlinn. Eins verða lykilmenn í liðinu að sýna almennilega hvað í þeim býr. Nýi framkvæmdastjórinn hefur því sannarlega mikið verk að vinna. En mér finnst mjög spennandi að fá hann í starfið. Það er ekki spurning að ég styð hann."

Það sem Steven Gerrard segir hér er hárrétt. Vonandi nær Andoni tökum á verkefninu sem bíður hans!