Rétt skef!

Victor Munoz er mættur til Liverpool borgar. Spánverjinn segist handviss um að hann hafi tekið rétt skref á ferli sínum með því að ganga til liðs við Liverpool. Andoni Iraola, landi hans, er sammála honum. 

,,Ég er handviss um að þetta er rétt skref sem ég hef nú tekið. Andoni er sama sinnis og hann hefur mikla trú á mér. Hann segir réttilega að ég sé enn frekar ungur að árum. Ég ætla að sinna öllu hérna eins og sannur atvinnumaður og hann á eftir að hjálpa mér. Hann á eftir að hjálpa mér að þróast og taka framförum hjá þessu mikla félagi og á Anfield þessum goðsagnakennda leikvangi."

Victor gekk til liðs við Liverpool fyrir Heimsmeistarakeppnina í sumar. Svo fór að Spánverjar urðu heimsmeistarar. Victor var í liðshópi Spánar en spilaði ekkert. Hann telst þó heimsmeistari.

,,Heimsmeistarakeppnin var ógleymanleg upplifun. Mig hafði dreymt um keppnina frá því ég var lítill. Satt best að segja átti ég ekki von á því að ég myndi upplifa svona í lífi mínu. En ég geri mér fulla grein fyrir því að allt varðandi keppnina er að baki og ég kem hingað til Liverpool FC með fulla einbeitingu á allt sem bíður mín þar."

Það verður áhugavert að sjá hvernig Victor Munoz gengur hjá Liverpool. Hann er 23. ára en er enn frekar óreyndur. Í raun hefur hann bara spilað eina leiktíð í aðalliði og það var sú sem lauk í vor. Honum gekk mjög vel hjá Osasuna en það á eftir að reyna á hann í ensku knattspyrnunni.