Reikna með að verða áfram hérna!

Arne Slot segir að hann reikni með að verða áfram framkvæmdastjóri Liverpool á næsta keppnistímabili. Hann segist alltaf hafa viljað halda áfram starfi sínu þó svo að blásið hafi hressilega á móti á keppnistímabilinu sem senn rennur sitt skeið.

,,Ég hef alltaf viljað halda áfram. Ég hef ítrekað sagt að liðið verði mun betur statt á næstu leiktíð en á þessari. Ég er hundrað og fimmtíu sinnum búinn að útskýra ástæður fyrir þeirri skoðun minni. Á þessu keppnistímabili höfðum við lengst af að einhverju að keppa. Við töpuðum fyrir Paris Saint Germain og City fyrir tveimur mánuðum. Þá fyrst gátum við ekki unnið neitt. En segja má að við getum ennþá unnið okkur inn sæti í Meistaradeildinni."

,,Þetta er í fyrsta sinn á ferli mínum sem lið sem ég stjórna er ekki í baráttu um verðlaun þegar líður að lokum leiktíðar. Bara einu sinni áður hef ég ekki unnið eitthvað svo þessi leiktíð verður sú önnur hvað það varðar. Það er frekar ný reynsla en það eru bara tveir mánuðir frá því við vorum í baráttu um titla." 

Það er komin gríðarlega mikil pressa á Arne Slot. Flest sem hefur getað farið úrskeiðis hefur gert það. Nú er að sjá hvort eigendur Liverpool skipta um skoðun þegar keppnistímabilinu lýkur. Það er að þeir ákveði að nýjan mann þurfi í sæti framkvæmdastjóra Liverpool.