Juventus vill fá Alisson!

Ítalska liðið Juventus vill fá Alisson Becker í sínar raðir. Ljóst er að Alisson er alls ekki afhuga því að fara frá Liverpool. Hann er reyndar lítið í sviðsljósinu núna því hann ef ekki enn búinn að ná sér af meiðslum sem hann varð fyrir í mars. 

Brasilíumaðurinn á eitt ár eftir af samningi sínum. Reyndar hefði samningi hans við Liverpool lokið núna í sumar nema af því Liverpool framlengdi samninginn um eitt ár. Hægt var að gera það samkvæmt ákvæði í gildandi samningi. En þrátt fyrir að samningur Alisson hafi verið framlengdur gæti hann farið núna í sumar. 

Alisson Becker er einn besti markmaður í heimi og það yrði því mikið áfall ef hann færi. En vilji hann fara verður svo að vera. Við sjáum hvað setur.