Leikjatilfærslur

Búið er að tímasetja síðustu leiki Liverpool á keppnistímabilnu. Það er gott að vita af breyttum leiktímum ef fólk hyggur á ferðalög til Englands.

Fyrsti leikur Liverpool í maí var 3. maí við Manchester United í Manchester.

Leikur tvö verður laugardaginn 9. maí. Chelsea kemur þá í heimsókn á Anfield Road. Flautað verður til leiks klukkan hálf tólf fyrir hádegið. 

Leikur þrjú verður á Villa Park í Birmingham. Leikurinn við Aston Villa hefst klukkan sjö föstudagskvöldið 15. maí.

Leikur fjögur, sem er síðasti leikur leiktíðarinnar, er á Anfield sunnudaginn 24. maí. Liverpool tekur þá á móti Brentford. Liðin ganga á hólm klukkan þrjú. Með þessum leik lýkur keppnistímabilinu 2025/26!

Loks má geta þess að kvennalið Liverpool spilar í undanúrslitum FA bikarsins sunnudaginn 10. maí. Leikurinn hefst stundarfjórðung yfir 11 um morguninn. Mótherjinn er Brighton and Hove Albion.

Allar tímasetningar eru að íslenskum tíma. Hafa ber í huga að nú er kominn sumartími á Bretlandseyjum. Þá er enski tíminn klukkutíma á undan okkar tíma.