Alexander Isak enn meiddur!

Það á ekki af Alexander Isak að ganga. Hann gat ekki tekið þátt í leiknum við Manchester United á Old Trafford í gær og var ástæðan sú að hann var meiddur. Liverpool tapaði 3:2 og sannarlega hefði verið gott að hafa sænska framherjann til taks. 

Alexander er nýkominn til leiks eftir fótbrotið í desember og skoraði gott mark þegar Liverpool vann Crystal Palace 3:1 á Anfield Road um daginn. Allt virtist vera að færast til betri vegar en þá varð hann var við óþægindi í nára og gat þess vegna ekki spilað á móti Manchester United. Arne Slot, framkvæmdastjóri Liverpool, sagði meiðslin ekki alvarleg. Vonandi getur hann spilað um næstu helgi þegar Liverpool mætir Chelsea á Anfield en það er þó ekki á vísan að róa með það.