Anfield á eftir að hafa mikla þýðingu!

Dominik Szoboszlai hefur fulla trú á að Liverpool nái að komast áfram í undanúrslit Meistaradeildarinnar. Hann segir að Anfield Road eigi eftir að hafa mikla þýðingu á morgun. 

,,Anfield á eftir að hafa mikið að segja á morgun. Við höfum oft séð það. Á síðustu leiktíð, þessari leiktíð og í gegnum árin. Ekki spurning. Þeir þurfa ekki bara að fást við 11 leikmenn og þá varamenn sem koma við sögu. Þeir þurfa líka að takast á við allan leikvanginn. Við vitum alveg hvernig tilfinningin er að spila á Anfield fyrir hönd Liverpool og fyrir framan stuðningsmenn okkar. Við þurfum ekki meiri hvatningu heldur en þessa. Við vitum hvernig tilfinningin er."

Liverpool tapaði 2:0 fyrir Paris Saint Germain í París í síðustu viku. Annað kvöld kemur í ljós hvort Liverpool nær að snúa dæminu við. Allt getur gerst á Anfield!