Hvað getur gerst?

Eftir síðustu leiki liggur flest fyrir í Úrvalsdeildinni á Englandi. Liverpool hefur nú sæti í Meistaradeildinni svo til gulltyggt. Ekkert nema miklar furður geta breytt því. 

Liverpool er nú í fimmta sæti með 59 stig. Bournemouth getur náð Liverpool að stigum en markatala Liverpool er mun betri. Liverpool er með tíu mörk í plús en Bournemouth fjögur. Bouremouth leikur á útivelli við Nottingham Forest á meðan Liverpool fær Brentford í heimsókn á Anfield Road. Bournemouth þarf því stórsigur og á sama tíma verður Liverpool að tapa stórt. 

Aston Villa er með 62 stig í fjórða sæti. Ef Liverpool vinnur Brentford og Villa tapar fyrir Manchester City í Manchester myndi Liverpool ná fjórða sæti deildarinnar. Liverpool hefur betra markahlutfall en Villa. 

Fyrir síðustu umferð liggur fyrir að Arsenal er Englandsmeistari og tekur við titlinum af Liverpool. Arsenal varð meistari þegar Manchester City gerði 1:1 jafntefli í Bournemouth í gærkvöldi.