Leikmaður ársins!

Mohamed Salah var í kvöld útnefndur Leikmaður ársins af Samtökum atvinnuknattspyrnumanna á Englandi. Þetta er í þriðja sinn sem Mohamed hlýtur þessi verðlaun. Hann er fyrstur leikmanna til að vinna þessi verðlaun þrisvar sinnum. 

Mohamed hlaut verðlaunin fyrst fyrir leiktíðina 2017/18 og svo 2021/22. Nú fær hann verðlaunin í þriðja sinn fyrir keppnistímabilið 2024/25. Sögulegt afrek!

Sex leikmenn voru tilnefndir til verðlaunanna. Það voru þeir Alexis Mac Allister-Liverpoool, Bruno Fernandes-Manchester United, Alexander Isak-Newcastle United, Cole Palmer-Chelsea og Declan Rice-Arsenal. 

Verðlaunin voru fyrst veitt fyrir keppnistímabilið 1973/74. Allir atvinnuknattspyrnumenn í ensku deildunum hafa atkvæðisrétt í kjörinu. 

Fyrrum handhafar þessara verðlauna hjá Liverpool eru þeir Terry McDermott (1979/1980), Kenny Dalglish (1982/1983), Ian Rush (1983/1984), John Barnes (1987/1988), Steven Gerrard (2005/2006), Luis Suarez (2013/2014), Mohamed Salah (2017/2018), Virgil Van Dijk (2018/2019) og Mohamed Salah (2021/2022).

Þetta eru þriðju einstaklingsverlaun Mohamed Salah fyrir meistarakeppnistímabilið. Hann var kjörinn bestur allra leikmanna af Knattspyrnufréttamönnum og eins var hann valinn Leikmaður ársins í Úrvalsdeildinni.