Skjaldarleikurinn liggur fyrir!

Allt liggur nú fyrir varðandi Skjaldarleikinn 2025. Mótherjinn í lieknum lá auðvitað fyrir en nú er búið að dagsetja og tímasetja leikinn. 

Englandsmeistarar Liverpool mæta bikarmeisturum Crystal Palace sunnudaginn 10. águst. Leikurinn fer fram á Wembley leikvanginum í London og hefst klukkan þrjú að staðartíma. Það er klukkan tvö að íslenskum tíma.

Liverpool hefur 16 sinnum unnið sér yfirráðarétt yfir Skildinum. Síðast vann Liverpool Samfélagsskjöldinn 2022 eftir 3:1 sigur á Manchester City. Þetta verður 25. leikur Liverpool um Skjöldinn. Crystal Palace tekur þátt í Skjaldarleik í fyrsta sinn.

Þó svo Samfélagsskjöldurinn teljist ekki til stórtitla er alltaf gaman að vinna hann eins og aðra titla. Vonandi tekst Liverpool að bæta við Skjaldarsigri númer 17 á afrekaskrá sína!