Mohamed Salah Leikmaður mánaðarins!

Mohamed Salah var valinn Leikmaður mánaðarins fyrir febrúar í kjöri Úrvalsdeildarinnar. Þetta er í annað sinn sem hann hefur fengið þessa viðurkenninga á þessu keppnistímabili. Hann varð líka fyrir valinu sem besti leikmaðurinn fyrir nóvember. 

Mohamed átti þátt í tíu mörkum í febrúar. Hann skoraði sex deildarmörk og lagði upp fjögur. Að auki skoraði hann eitt og lagði upp annað í Deildarbikarnum í mánuðinum.

Þess má geta að Mohamed var líka valinn besti leikmaðurinn í febrúar af stuðningsmönnum. Þetta var í 14. sinn sem hann fær þá viðurkenningu. 

Þetta er í sjöunda sinn sem Mohamed Salah hefur verið kjörinn Leikmaður mánaðarins í Úrvalsdeildinni eftir að hann kom til Englands. Hann er nú jafn þeim Sergio Aguero, Manchester City og Harry Kane, Tottenham Hotspur, með flestar viðurkenningar af þessu tagi. Sannarlega magaður árangur!