Leikjatilfærslur

Fyrst ber að nefna að Deildarbikarleikur Liverpool í Brighton fer fram miðvikudaginn 30. október. Leikar hefjast klukkan hálf átta. Liðin mætast aftur og nú í Liverpool í deildinni laugardaginn eftir. Sá leikur er með óbreyttan leiktíma og hefst á hefðbundnum tíma eða klukkan þrjú. 

Leikur Liverpool og Arsenal í London hefur fengið nýjan leiktíma. Hann fer fram sunnudaginn 27. október og hefst klukkan hálf fimm.

Laugardaginn 9. nóvember fær Liverpool Aston Villa í heimsókn á Anfield Road. Leikurinn byrjar klukkan átta um kvöldið.

Liverpool mætir Southampton á útivelli sunnudaginn 24. nóvember. Flautað verður til leiks klukkan tvö.

Liverpool fær Englandsmeistara Manchester City í heimsókn á fullveldisdaginn sem ber upp á sunnudag þetta árið. Leikurinn hefst klukkan fjögur síðdegis. 

Miðvikudaginn 4. desmber mætast Liverpool og Newcastle United á St James Park í Newcastle. Leikurinn byrjar þegar klukkuna vantar stundarfjórðung í átta.

Tekið skal fram að allir leiktímar eru að íslenskum tíma.