Vil vinna allt!

Dominik Szoboszlai stefnir hátt og hefur lengi gert. Hann vill vinna allt sem hægt er að vinna. Nú þegar hefur hann unnið titla í Austurríki með Salzburg og Leipzig í Þýskalandi en hann vill meira. Stærsti draumur hans er að vinna Meistaradeildina.

,,Ég vil vinna Meistaradeildina. Þegar ég var strákur dreymdi mig fyrst um að hlusta á lagið úti á vellinum fyrir leik. Svo stefndi ég á að skora í keppninni."

,,Svo dreymdi mig um að komast í landsliðið og því næst að verða fyrirliði þess. Nú er ég að spila í ensku Úrvalsdeildinni og skiljanlega vil ég vinna þá deild með Liverpool."

Margir af draumum Dominik Szoboszlai hafa ræst. En hann á fleiri drauma. Vonandi rætast þeir!