Rhys Williams lánaður

Miðvörðurinn Rhys Williams hefur verið lánaður. Hann spilar með Aberdeen í Úrvalsdeildinni á Skotlandi á komandi keppnistímabili. 

Rhys hefur leikið 19 leiki með aðalliði Liverpool. Hann var í láni hjá Blackpool á fyrri hluta síðustu leiktíðar. Þetta verður fjórða lánsdvöl hans því hann hefur, auk Blackpool, verið í láni hjá Kidderminster Harriers og Swansea City á síðustu árum.


Rhys hittir Leighton Clarkson fyrir hjá Aberdeen en hann var seldur til skoska liðsins á dögunum. Þeir Rhys og Leighton léku saman í mörg ár með unglingaliðum Liverpool. Það verður áhugavert að sjá hvernig Rhys gengur í skosku knattspyrnunni.