Nóg af mörkum!

Það vantaði ekki mörk þegar Liverpool og Arsenal mættust í fyrradag. Liðin skildu jöfn 2:2 og fjögur mörk bættust í markasafn liðanna. Það hafa ekki verið skoruð fleiri mörk í neinni viðureign sömu liða frá því Úrvalsdeildin var stofnsett á Englandi 1992.  


Í leikjum Liverpool og Arsenal hafa verið skoruð 184 mörk frá 1992. Aðeins einu sinni í síðustu 45 deildarleikjum liðanna hafa liðin skilið án marka. Það var í London 2015.


Liverpool hefur gengið mjög vel að skora gegn Arsenal síðustu ár á Anfield Road. Í síðustu tíu leikjum þar hefur Liverpool skorað að minnsta kosti þrjú mörk í átta leikjum. Í hinum leikjunum hefur liðið skorað tvisvar. 

Það var því langt frá því að öll von væri úti þegar Arsenal var komið tveimur mörkum yfir í fyrradag. Liverpool hlaut að skora minnst tvö mörk miðað við sögu síðustu ára. Það gekk eftir!