| Sf. Gutt

Af kvennaliðinu


Það hefur allt gengið á afturfótunum hjá kvennaliði Liverpool það sem af er árs. Liðið féll úr báðum bikarkeppnunum á nokkrum dögum. 

Í síðustu viku tapaði liðið 0:1 fyrir West Ham United í Deildarbikarnum. Dagný Brynjarsdóttir, fyrirliði West Ham, skoraði markið undir lok leiksins. Liverpool hafði komist í gegnum riðlakeppni keppninnar en lengra varð ekki komist að þessu sinni. 

Í fyrradag féll liðið svo úr FA bikarnum eins og karlaliðið. Liverpool tapaði 3:2 á útivelli gegn Chelsea. Þetta tap var kannski ekki alls kostar óvænt því Chelsea vann bæði deildina og FA bikarinn á síðasta keppnistímabili. 

Liverpool hefur leikið einn deildarleik á árinu. Hann fór hroðalega því liðið tapaði 6:0 fyrir Manchester United sem er meðal efstu liða í deildinni. 

TIL BAKA
Nýlegar fréttir
Fleiri fréttir
Fréttageymslan