Heimsmeistarinn valinn bestur!

Heimsmeistarinn Al­ex­is Mac Allister var valinn Leikmaður mánaðarins í Úrvalsdeildinni í apríl. Tuttugasti Englandsmeistaratitill Liverpool var innsiglaður í mánuðinum og Argentínumaðurinn átti stóran þátt í því. Hann skoraði tvö glæsileg mörk fyrir Liverpool, lagði upp eitt og dreif lið sitt áfram á miðjunni sem aldrei fyrr. 

Alexis skoraði með glæsilegu langskoti á móti Fulham og eins í titilsigrinum gegn Tottenham Hotspur. Markið hans gegn Tottenham er komið í jarðfræðilega annála þar sem fögnuðurinn skók jörð í Liverpool borg þannig að kom fram á jarðskjálftamælum!

Alexis Mac Allister er vel að þessari viðurkenningu kominn. Hann hefur ekki hlotið hana áður. Arne Slot var tilnefndur sem Framkvæmdastjóri mánaðarins. Vítor Pereira, framkvæmdastjóri Wolves, hlaut þá viðurkenningu.