Þrír tilnefndir

Alþjóðaknattspyrnusambandið hefur birt tilnefningar fyrir knattspyrnufólk ársins 2022. Liverpool á þrjá menn á listunum.  Kosið er í flokkunum leikmenn, markmenn og þjálfarar í karla- og kvennaflokki. Svo er Mark ársins valið og eins stuðningsmenn ársins. Úrslit verða tilkynnt í næsta mánuði.

Liverpool á tvær tilnefningar í kjörinu fyrir leikmann ársins í karlaflokki. Þetta eru þeir Mohamed Salah og Sadio Mané. 

Tilnefningar fyrir leikmenn ársins: Julián Álvarez (Argentína / River Plate / Manchester City), Jude Bellingham (England / BV Borussia 09 Dortmund), Karim Benzema (Frakkland / Real Madrid), Kevin De Bruyne (Belgía / Manchester City), Erling Haaland (Noregur / BV Borussia 09 Dortmund / Manchester City), Achraf Hakimi (Marokkó / Paris Saint-Germain), Robert Lewandowski (Pólland / Bayern München / Barcelona), Sadio Mané (Senegal / Liverpool / Bayern München), Kylian Mbappé (Frakkland / Paris Saint-Germain), Lionel Messi (Argentína / Paris Saint-Germain), Luka Modric (Króatía / Real Madrid), Neymar (Brasilía / Paris Saint-Germain), Mohamed Salah (Egyptaland / Liverpool) og Vinícius Junior (Brasilía / Real Madrid).

Tilnefningar fyrir markmann ársins: Alisson Becker (Brasilía / Liverpool), Yassine Bounou (Marokkó / Sevilla), Thibaut Courtois (Belgía / Real Madrid), Ederson (Brasilía / Manchester City) og Emiliano Martínez (Argentína / Aston Villa).


Alisson hlaut þessa viðurkenningu fyrir árið 2019. Hann var líka valinn í Lið ársins 2019 og 2020. 


Jürgen Klopp var kjörinn Þjálfari ársins í karlaflokki tvö ár í röð 2019 og 2020. Hann er ekki tilnefndur að þessu sinni.