Yngstur allra Skota!

Þegar unglingurinn Ben Doak kom til leiks í leik Liverpool og Aston Villa á öðrum degi jóla setti hann nýtt aldursmet í Úrvalsdeildinni. Reyndar ekki hvað háan aldur varðar!

Ben var 17 ára og 45 daga gamall þegar hann kom inn á 88. mínútu á móti Aston Villa. Um leið setti hann met því hann er nú yngstur Skota til að spila í Úrvalsdeildinni á Englandi. 

Ben Doak er fæddur 11. nóvember 2005 í Dalry í Skotlandi. Hann æfði til að byrja með hjá Ayr United en gekk til liðs við Celtic 2001. Hann spilaði sinn fyrsta leik með Celtic í janúar á þessu ári. Ben spilaði tvo leiki með Celtic áður en Liverpool keypti hann fyrir 600.000 sterlingspund. 

Ben spilaði sinn fyrsta leik með Liverpool á móti Derby County í Deildarbikarnum 9. nóvember. Pilturinn varð 17 ára tveimur dögum seinna. Hann komst svo á spjöld sögunnar þegar hann lék sinn fyrsta deildarleik gegn Aston Villa. 

Ben spilar venjulega sem útherji. Hann er búinn að spila með undir 16, 17 og 21. árs landsliðum Skota. Það verður áhugavert að sjá hverstu langt Ben nær en hann er talinn einn efnilegasti leikmaður á öllum Brentlandseyjum.