Tveir markmenn meiddir!

Alisson Becker er meiddur og getur ekki staðið í marki Liverpool í Skjaldarleiknum á laugardaginn. Jürgen Klopp staðfesti þetta á blaðamannafundi í dag. Sama má segja um Caoimhin Kelleher. 



Alisson hefur ekki spilað frá því í fyrsta æfingaleiknum á móti Manchester United. Brasilíumaðurinn ætti að vera orðinn leikfær um aðra helgi þegar Liverpool leikur sinn fyrsta deildarleik. Caoimhin hefur ekkert leikið á undirbúningstímabilinu vegna meiðsla. 



Adrián San Miguel  hefur spilað tvo síðustu æfingaleiki. Hann verður því örugglega á milli stanganna í Skjaldarleiknum á móti Manchester City. Spánverjinn var hetja Liverpool þegar liðið vann Stórbikar Evrópu 2019 eftir sigur í vítakeppni á móti Chelsea. Vonandi verður hann aftur hetja Liverpool í Leicester á laugardaginn!


Ungliðarnir Liam Hughes, Harvey Davies og Fabian Mrozek hafa verið varamarkverðir Adrian í síðustu æfingaleikjum. Liam er á myndinni að ofan. Harvey og Fabian komu við sögu á móti Crystal Palace um daginn.