Takumi Minamino á förum

Liverpool Echo greinir frá því að Takumi Minamino sé á förum frá Liverpool. Samkvæmt frétt blaðsins er hann að fara til franska liðsins Monaco. Þessi meintu vistaskipti hafa ekki verið staðfest af félögunum.



Liverpool Echo telur að Liverpool fái 15 og hálfa milljón sterlingspunda fyrir Takumi. Fyrst 12,9 og svo meira að uppfylltum ákvæðum. Liverpool keypti Takumi fyrir 7,25 milljónir punda frá Red Bull Saltzburg í janúar 2020. 

Við bíðum og sjáum til með staðfestingu á þessum vistaskiptum. En fyrst Liverpool Echo er komið með þessa frétt má segja að þetta teljist næsta víst!