Markakóngur

Mohamed Salah er markakóngur úrvalsdeildar með 23 mörk í 35 leikjum, hann lagði líka upp flest mörk allra í deildinni eða 13 talsins. Hann deilir markakóngstitlinum með Son Heung-min hjá Tottenham.



Þetta er í þriðja sinn sem Egyptinn vinnur gullskóinn í deildinni. Hörð keppni var um nafnbótina að þessu sinni, fyrir lokaumferðina var Son einu marki á eftir Salah en Kóreumaðurinn skoraði tvö mörk í lokaleik Tottenham þegar liðið vann Norwich City 0:5. Salah kom inná sem varamaður gegn Úlfunum og skoraði eitt mark sem jafnaði Son og þeir félagar deila því þessum eftirsóttu verðlaunum.

Salah hlaut einnig verðlaun fyrir flestar stoðsendingar á tímabilinu en þar var hann í baráttu við liðsfélaga sinn, Trent Alexander-Arnold. Egyptinn endaði með 13 slíkar en Trent var með 12.

Nú þegar einn leikur er eftir af tímabilinu er Salah með 31 mörk í öllum keppnum. Okkar vegna má hann alveg bæta við mörkum í síðasta leik tímabilsins, nánar tiltekið gegn Real Madrid í úrslitaleik Meistaradeildarinnar þann 28. maí.