Diogo meiddur

Diogo Jota meiddist á móti Inter Milan á miðvikudagskvöldið. Diogo var skipt af velli í hálfleik og tók Roberto Firmino stöðu hans. Hann er meiddur á ökkla. Portúgalinn spilar ekki á móti Norwich City á morgun en ekki er alveg ljóst hversu lengi hann verður frá.


Diogo er búinn að vera frábær eftir að hann til Liverpool. Hann skoraði 13 mörk á sinni fyrstu leiktíð og það þó hann væri nokkuð frá. Hann er búinn að gera gott betur á þessu keppnistímabili og er nú þegar kominn með 17 mörk. Vonandi verður portúgalski framherjinn ekki lengi frá því það myndi muna mikið um hann ef svo færi.