Egyptar áfram

Mohamed Salah spilaði allan leikinn í 1-0 sigri Egypta á Súdan á Afríkumótinu. Egyptar eru komnir í 16-liða úrslit.

Mohamed Abdelmonem skoraði eina mark leiksins á 35. mínútu og tryggði það Egyptum annað sæti riðilsins á eftir Nígeríu sem unnu alla sína leiki.

Riðlakeppnin klárast í dag og Egyptar bíða eftir úrslitum dagsins til að sjá hverjir verða þeirra næstu mótherjar en það verður topplið E-riðils. Naby Keita og félagar bíða sömuleiðis eftir því að sjá hverjum þeir mæta en ljóst er að Sadio Mané og Senegal mæta Grænhöfðaeyjum þann 25. janúar.