Áfram í Unglingabikarnum

Unglingalið Liverpool komst í kvöld áfram í Unglingabikarkeppninni. Liðið er komið í gegnum tvær umferðir það sem af er leiktíðarinnar.
Liverpool vann Burnley 4:1 á heimavelli í kvöld. Pólverjinn Mateusz Musialowski skoraði tvö mörk. Melkamu Frauendorf og Oakley Cannonier skoruðu hin mörkin. Sean Etaluku skoraði mark Burnley og minnkaði muninn í 3:1 en sú var staðan í hálfleik. Melkamu Frauendorf lék sinn fyrsta aðalliðsleik um daginn þegar Liverpool vann Shrewsbury í FA bikarnum.
Liverpool sló Fleetwood Town út úr keppninni í desember eftir 4:0 sigur í Liverpool. Luke Chambers skoraði fyrsta mark leiksins og svo bætti Mateusz við þremur mörkum.

Mateusz Musialowski er sannarlega búinn að láta að sér kveða í keppninni með fimm mörkum í tveimur leikjum. Pólverjinn var einn besti leikmaður Liverpool þegar liðið komst í úrslitaleik keppninnar á síðustu leiktíð. Liverpool tapaði úrslitaleiknum 2:1 fyrir Aston Villa.
Liverpool er komið í fimmtu umferð keppninnar og mætir Chelsea í þeirri umferð. Leikurinn fer fram í Liverpool.
-
| Sf. Gutt
Spáð í spilin -
| Sf. Gutt
Niðurtalning - 5. kapítuli -
| Grétar Magnússon
Lykilbaráttur -
| Sf. Gutt
Niðurtalning - 4. kapítuli -
| Sf. Gutt
Goðsagnirnar unnu! -
| Sf. Gutt
Nú liggja allir vegir til Parísar! -
| Sf. Gutt
Niðurtalning - 3. kapítuli -
| Sf. Gutt
Meiðslafréttir -
| Sf. Gutt
Niðurtalning - 2. kapítuli -
| Sf. Gutt
Jürgen Klopp Framkvæmdastjóri ársins!