Steven og Jamie voru fyrirmyndir Trent!

Trent Alexander-Arnold hefur náð langt á ferli sínum sem þó er ekki orðinn ýkja langur. Hann segir að Steven Gerrard og Jamie Carragher hafi verið fyrirmyndir sínar. Þeir tveir eru eins og hann fæddir í borginni, náðu að komast í aðallið Liverpool og vinna titla. Þetta var Trent hvatning um að hann gæti þetta eins og þeir.


,,Ég leit alltaf upp til Gerrard, Carragher og slíkra  leikmanna. Þeir voru mér hvatning og fyrirmynd. Þeir sýndu mér fram á hversu langt venjulegur strákur gæti náð. Strákur úr venjulegu hverfi, sem átti venjulega vini og venjulega fjölskuldu gat náð langt!"


Steven Gerrard og Jamie Carragher komust í fremstu röð og unnu fjölda titla með Liverpool. Þeir voru hvatning fyrir Trent Alexander-Arnold sem hefur líka náð langt á skömmum tíma. Hann er nú þegar búinn að vinna fjóra titla með Liverpool og á síðasta keppnistímabili var hann kjörinn Ungi leikmaður ársins af knattspyrnumönnum á Englandi.