Kostas Tsimikas bestur í Grikklandi

Kostas Tsimikas bestur í Grikklandi! Kostas var á dögunum útnefndur Knattspyrnumaður ársins í Grikklandi fyrir leiktíðina 2019/20. Hann var líka valinn í lið árins. Leikmenn á Grikklandi standa fyrir þessu vali. 

Kostas lék með Olympiacos síðustu keppnistímabil. Hann vann tvöfalt með liðinu á síðasta keppnistímabili en lék þó ekki úrslitaleikinn í bikarnum vegna þess að þá var hann farinn til Liverpool. Áður hafði hann orðið meistari leiktíðirnar 2015/16 og 2016/17. Hingað til hefur hann bara spilað fimm leiki með Liverpool en hann hefur verið mikið meiddur eins og svo margir leikmenn Liverpool. 

Það segir nokkuð um getu Kostas að hann skuli vera kjörinn besti leikmaður í grísku deildinni. Það verður áhugavert að sjá hvernig honum vegnar á Englandi þegar hann verður orðinn góður af meiðslum sínum.