Jordan Henderson meiddur

Jordan Henderson fyrirliði Liverpool fór meiddur af velli á móti Everton á laugardaginn. Hann meiddist á nára en ekki hefur verið gefið út hversu lengi hann verður frá. Sumir telja jafnvel að hann spili ekki meira á leiktíðinni. 


Hvort sem Jordan verður lengur eða skemur frá þá er ljóst að það verður skarð fyrir skildi þegar fyrirliðann vantar. Jordan meiddist á hné síðasta sumar og missti af síðustu leikjum meistaraleiktíðarinnar. Hann spilaði sína stöðu á miðjunni framan af þessu keppnistímabili en síðustu vikurnar hefur hann spilað sem miðvörður og leyst þá stöðu vel. 

Fyrirliðinn leikur stórt hlutverk í liði sínu og gjarnan er mikill munur á hvort hann er í liðinu eða ekki. Vonandi nær Jordan sem fyrst en mestu skiptir að hann nái sér að fullu!