Mark númer sex hundruð!

Seinna mark Mohamed Salah í 0:7 stórsigrinum á Crystal Palace var númer 600 frá því Jürgen Klopp tók við Liverpool. Mörkin 600 hafa verið skoruð í 288 leikjum.


Aldrei hefur framkvæmdastjóri Liverpool náð 600 mörkum á stjórnartíð sinni í jafnfáum leikjum. Kenny Dalglish átti fyrra metið en Liverpool náði 600 mörkum í 298 leikjum undir hans stjórn. 


Emre Can skoraði fyrsta markið á valdatíð Jürgen Klopp. Liverpool mætti Rubin Kazan í Evrópudeildinni 22. október og skoraði Emre í 1:1 jafntefli.

Mikið vatn hefur runnið til sjávar frá því Emre skoraði. Það hefur ekki vantað mörk hjá Liverpool á valdatíð Þjóðverjans og mörg eru enn óskoruð!