Bikarleikur staðfestur

Stórleikur 3. umferðar ensku bikarkeppninnar verður á Anfield þann 5. janúar 2020 og hefst klukkan 16:01.

Ástæðan fyrir því að leikurinn hefst ekki klukkan nákvæmlega 16:00 er sú að enska knattspyrnusambandið er að hrinda af stað herferð sem heitir Heads Up. Herferðin á að minna fólk á að huga að andlegri heilsu og er það vel.

Okkar menn leika þrjá heimaleiki í röð því 29. desember koma Úlfarnir í heimsókn, fyrsti leikur á nýju ári er gegn Sheffield United á Anfield þann 2. janúar og þrem dögum síðar er það svo bikarleikurinn við nágrannana.